ການກວດສອບພາຍໃນແມ່ນ ການຮັບປະກັນ ແລະ ການໃຫ້ຄຳປຶກສາຢ່າງເປັນເອກະລາດ ແລະ ທ່ຽງທຳ ໂດຍຖືກອອກແບບມາເພື່ອເພີ່ມມູນຄ່າ ແລະ ປັບປຸງການດໍາເນີນງານຂອງອົງກອນ.

ການກວດສອບພາຍໃນຊ່ວຍໃຫ້ອົງກອນບັນລຸຈຸດປະສົງຂອງຕົນໂດຍການນໍາເອົາວິທີການທີ່ມີລະບົບ, ມີລະບຽບວິໄນ ເພື່ອປະເມີນ ແລະ ປັບປຸງປະສິດທິຜົນຂອງຂັ້ນຕອນການຄຸ້ມຄອງບໍລິຫານ, ການຄວບຄຸມ ແລະ ການບໍລິຫານຄວາມສ່ຽງ.

ກຳນົດຄຸນສົມບັດ/ລັກສະນະຂອງອົງກອນ ແລະ ບຸກຄະລາກອນທີ່ດຳເນີນການກວດສອບພາຍໃນ.

ອະທິບາຍລັກສະນະຂອງການກວດສອບພາຍໃນ ແລະ ມາດຖານ ຄຸນນະພາບທີ່ສາມາດນຳໃຊ້ເປັນບັນທັດຖານໃນການປະເມີນ ຜົນການດຳເນີນງານຂອງການກວດສອບພາຍໃນ.

ການຮັບປະກັນກ່ຽວຂ້ອງກັບການປະເມີນຫລັກຖານຢ່າງທ່ຽງທຳ ເພື່ອໃຫ້ຄຳເຫັນ ຫລື ຂໍ້ສະຫລຸບກ່ຽວກັບໜ່ວຍງານ/ອົງກອນ, ການດຳເນີນງານ, ໜ້າທີ່, ຂັ້ນຕອນ, ລະບົບ ຫລື ເລື່ອງອື່ນໆ.

ການບໍລິການໃຫ້ຄຳປຶກສາມີລັກສະນະເປັນການໃຫ້ຄຳແນະນຳ, ໂດຍທົ່ວໄປຈະໃຫ້ການບໍລິການໃນເວລາທີ່ມີການຮ້ອງຂໍຈາກ ຜູ້ຮັບບໍລິການສະເພາະ.

· ຈຸດປະສົງ ແລະ ຂອບເຂດການກວດສອບ

· ການເກັບກຳຂໍ້ມູນກວດສອບ

· ການປະເມີນຄວາມສ່ຽງເບື້ອງຕົ້ນ

· ການກຳນົດຈຸດປະສົງ ແລະ ຂອບເຂດການກວດສອບ

· ການຈັດສັນຊັບພະຍາກອນ